Safiirada Somalia ee dibeda oo la xadiday & qaar ka mid ah shaqaalaha W/Arrimaha dibeda oo la eryey

cropped-luce114.jpgIyadoo dhowaanahan ay socdeen qorsheyaal wasaarada arrimaha dibeda ee Somalia ay ku dooneysay iney dib u habeyn ugu sameyso safaaradaha dowladu ku leedahay caalamka ayaa waxaa haatan soo baxaya warar kala duwan oo arimahaas ku saabsan.

Guddi dhowaan loo saaray inuu soo qiimeeyo kana talo bixiyo dib u habeynta lagu sameeynayo safaaradaha dibeda ayaa soo saaray talooyin ay ka mid yihiin in illaa 30 safaaradood ay Somalia ka furato dalalka saaxiibada, lana bedelo safiirada hadda ka howlgala oo qaarkood loo heysto eedeeymo kala duwan.

Hase ahaatee in safaaradaha dibeda laga dhigo 30 ayaa waxaa ilo wareedyo lagu kalsoon yahay waxay sheegayaan inuu ka soo horjeestay madaxweynaha Somalia Xasan Shiikh Maxamuud oo xusay in 30 safiir aan loo heli dhaqaale, lagana dhigo 20 taasoo la sheegay in ugu dambeyntii ay u badan tahay in la isku raacay iyadoo dhowaana la horgeyn doono golaha wasiirada go’aankaas.

Dhinaca kale, warar laga helayo xarunta wasaarada arrimaha dibeda ee Somalia oo ku taala magaalada Muqdisho ayaa sheegaya in qaar ka mid ah shaqaalaha wasaaradaas shaqada laga eryey iyadoo aan la ogeyn sababta.

Shaqaalaha ka eryey ayaa warar xog ogaal ah waxay sheegayaan iney gaarayaan illaa 50, waxaana wararku ay sheegayaan in wasaaradu ay qaadaneyso kuna bedeleyso shaqaale cusub oo ka tirsan koox diimeedka loo yaqaanoi Damul-jadiid ee uu xubinta ka yahay madaxweynaha Somalia kuwasoo ka go’ay ururka Al-Islaax

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s