Marqaati oo Xisbiyada Siyaasadda la Saxiixday Heshiis Daacadnimo

Marqaati oo Xisbiyada Siyaasadda la Saxiixday Heshiis Daacadnimo


Horudhac

Heshiiska daacadnimada ee xaqiijinta doorashooyin xor ah oo loo siman yahay waa hindise oo ay marqaati ula dan leedahay in ay kula dagaalanto musuqmaasuqa dhaca xilliga doorashooyinka, in la dhiso is aaminaad u dhaxeeya xisbiyada siyaasadda iyo in la xaqiijiyo in doorashooyinka danbe ay ahaadan kuwo sidaan ka sharciyad badan oo ka xorriyad badan.

In kastoo dawlada aysan aqoonsaneyn xisbiyada siyaasadda, hadane xisbiyada dhab ahaan bay u jiraan waxaa ayna ka qeyb qaataan siyaasadda dalka.

Inta badan mudaneyaasha baarlamaanka ee hada jira waxa ay ka tirsan yihiin xisbiyo siyaasadeed, in kastoo aysan dawladda xisbiyo weli aqoonsan. Waxaa dhici jirtay in shaqsiyaadka qaar ay xisbiyadooda u gadi jireen kuraasto baarlamaanka. Heshiiskan waxaa uu xaqiijin doonaa in xisbiyada aysan kuraas u gadin xubnahooda iyo in ay soo sheegaan hadii ay arkaan dhacdooyin walba oo ku saabsan cod iibsi.

Hirgelinta Heshiiskan wuxuu xaqiijin doonaa in uu dhaco kalsooni lagu qabo xisbiyada iyadoo ay cadaan doonto halka xisbiyada uu uga yimaado taageerada maaliyadeed, lacagaha ay ololaha doorashooyinka ku isticmaalaan, iyo wakiiladooda siyaasadeed. Sidoo kale, marqaati waxay xisbiyada siin doontaa taageero xaga tababarka ah, iyo in ay ka caawiso in ay gaarsiiyeen dadweynaha iyo dadka codeeyn doono 2016 fariimo ku aadan dhibaatada uu cod gadashadu u leeyahay aayaha danbe ee dalka.

Xisbiyada Saxiixay

Tirada guud ee heshiiska saxiixday waxa waayay 28 xisbi: 28ki Janaayo ayaa marqaati waxa ay qabatay kullan ooda loogu qaaday ololaha xisbiyada siyaasadda loogu bandhigayay in ay saxiixaan Heshiiska. Isla maalintaas waxaa saxiixay Heshiiska 14 xisbi iyadoo 2 xisbi ay ka cudur daarteen in ay Heshiiska saxiixaan. Inta u dhaxeysay 28 Janaayo iyo 22 Febraayo waxaa Heshiiska saxiixay 11 xisbi.

3 xisbi waxa ay saxiixeen heshiiska 23 Febraayo. 2 xisbi ayaa weli ka fikiraya in ay saxiixaan heshiiska. Sidoo kale, laba xisbi baa saxiixday 28 Febraayo iyo 31 Meey.

Qeeybtaan saxiixeyaasha soo kordha baa lagu xusi doonaa.

Muxyadin Maxamed oo ka mid ah saxiixeyaasha waxaa la dilay labo todobaad kadib marki uu Heshiiska saxiixay. Waxaan tacsi u direeynaa qooyska, qaraabada, iyo saaxiibada uu ka tagay Allahana sabar iyo iimaan ka siiyo.

Hoos waxaa ku xusan liiska xisbiyada saxiixay heshiiska iyo shaqsiyaadka u saxiixay. Waxaa xiga bogga laga saxiixay Heshiisyada.

XIGASHO: Marqaati

GOBOLKA HIIRAAN – Soomaalida Ohio iyo Taageeridda shirka dib u heshisiinta ee G/ Hiiraan

COLUMBUS OHIO USA – Waxaa Columbus Ohio loogu sameeyey tageerid lagu taageerayo shirka aayo katalinta Gobolka Hiiraan oo jaaliyada reer Ohio safiican ugu qeyb qateen waxaa qadka soo galay ugaaskayada ugaas hasan ugaas Qaliif ugaas osman ugaas Cilmi,ugaas Cali Ugaas Hasan, iyo ugaas cali ugaas mahamed shirka oo safiican loogu ayiday in ay ka tashtaan aayaha Gobolkoka hiiraan

Continue reading

XASAASI: Madaxweyne Xassan oo la wareegay hawlihii aqalka sare ee Baarlamaanka aan weli la dhisin & Garsoorka (Qodobada Dastuurka)

imageXASAASI: Madaxweyne Xassan oo la wareegay hawlihii aqalka sare ee Baarlamaanka aan weli la dhisin & Garsoorka (Qodobada Dastuurka)


Madaxweynaha Dowlada Federaalka Soomaaliya Xassan Shiikh Maxamuud ayaa Arbacadii shalay ku dhawaaqay inuu xilkii ka fariisiyey Gudoomiyihii hore ee Maxkamada Sare, isagoona magacaabay Gudoomiye cusub.

Wuxuu sidoo kale Madaxweynaha xilka ka qaaday Guddoomiyaha Maxkamada Banaadir isagoo aan magacaabin ciddii beddeli lahayd.

Haddaba waxay doodi ka taagan tahay Awoodda uu adeegsaday Madaxweynaha iyo inuu xaq u leeyahay Dastuur ahaan xil ka qaadista Garsoorayaasha.

Sida ku cad dastuurka Federaalka Soomaaliya gaar ahaan farqadiisa 3aad, Garsoorka Soomaaliya waa mid madax bannaan kana mid ah sadexda awoodood ee dowlada. Continue reading

Xisbiga Xuriyadda Oo Iftiimiyey Doorka Warbaahinta & Doorashada Dalka 2016

imageFARRIIN KU SOCOTA MEHNELEYDA WARBAAHINTA SOOMAALIYEED (SOMALI MEDIA PRACTITIONERS).

Xisbiga Xuriyadda-Noocyada kala duwan ee warbaahinta waa Gole ay dadka isbedel doonka ah (reformists), dadka u ololeeya dhowrista xuquuqal insaanka, iyo siyaasiyiinta ay fekerkooda ugu gudbiyaan dadweynaha taasoo dhalineysa inay dadweynuhu raacaan ama taageeraan ajendayaasha, bayaanada (Manifestos), aragtiyada (visions) iyo siyaasadaha la rabo in bulshada lagu dhaqo oo ay kala wataan kuwa doonayo inay iyagu hoggaamiyaan shacabka.

Sida darteed, door sidee ah baa warbaahinta looga baahan yahay inay ciyaarto marka la tixgeliyo xaalada uu dalku maanta u marayo.

Warbaahinta waa in shacabweynaha daalan oo ay dagaaladu aafeeyeen u kala bixiso in siyaasiyiinta hoggaanka dalka heysa ay ku joogaan amase inay leexdeen tubti la rabay in dalka looga sara qatarta ku soo fool leh mustaqbalka. Muddo hadda laga joogo 4 sano, dawladda hadda jirta waxay wacad ku martay inay dalka ku soo rogi doonto isbedel keena horumar ay ummaddu u aayi doonto.

Haddaba, su’aalaha soo socda iyo kuwo kale ayaa u baahan in warbaahintu ay u ifiso shacabka bacdama lagu jiro olole cusub ee ay dawladda hadda jirto isugu diyaarineyso doorashada.

Maxaa isbedel ah oo la taaban karo ay dawladdu keentay? Hiigsiga 2016 ma hirgeliyay mise waa lagu hungoobay? Ma la maleynsan kara in hanaanka lagu bedelay kii hore ay dawladdu u ballan qaaday ee qof iyo cod uu noqon karo hanaan ku-shubasho ka badbaadi kara? Yaase damaano qaadi karo inay dhacdo doorasho ka fayo cabsi iyo eex ?.

Warbaahinta ayaa laga raba in arrimhaas ay ku lafa gurto barnaamijiyada kala duwan ee ay soo bandhigi doonto inta ka horeysa doorashada la sheegay inay dhici doonto August 2016 oo hadda ay naga xigto muddo 3 bilood ah, inkastoo la sheegayo in muddo Laba bilood ah oo kale lagu daray xilliga doorashada.

Xisbiga Xuriyadda ( THE PEOPLE OF FREEDOM )

Xisbiga Xuriyadda oo daaha ka rogay dhibaatooyinka shaqaalaha Dowladda

imageXisbiga Xuriyadda oo daaha ka rogay dhibaatooyinka shaqaalaha Dowladda 

Ku: dhammaan Saxaafadda gudaha iyo dibadda

Ujeeddo: Warsaxaafadeed Xisbiga Xuriyadda (The People of Freedom), dabaal degga maalinta Shaqaalaha Caalamiga darteed wuxuu hambalyo u dirayaa Shaqaalaha Soomaaliyeed meel kasta oo ay joogaan–Hambalyo- waxaana Xisbiga Xuriyadda uu u rajeynayaa horumar iyo mustaqbal fiican.

The People of Freedom wuxuu aad uga xun yahay duruufaha ay munaasabaddani kusoo beegantay oo ah duruufo adage iyadoo shaqaalaha rayidka ah ee dowladda aanay qaadan mushaaraadkii ay xaqa u lahaayeen muddo dhowr bilood maamul xumida dalka ka jirta awgeed iyo ku takrifal lagu sameynayo dhaqaalaha dalka taasoo ay ka dambeyso dano shaqsiyaad gaar ah.

Sidaa darteed Xisbiga Xuriyadda wuxuu ugu baaqayaa madaxda sare ee dowladda iyo cid kasto oo ay masuuliyad ka saran tahay ilaalinta xuquuqda shaqaalaha soomaaliyeed inay wanaajiyaan niyadda qofka shaqaalaha ah islamarkaana bixiyaan wax alla wixii xuquuq ah ee uu shaqaaluhu mutaystay. Munaasabadan darteed waa in loo istaago badbaadinta dhalinyarada soomaaliyeed ee iyaga oo nolol raadis ah badaha ku dhamaanaya loona sameeyo shaqo abuur si looga hortago dhibaatooyinka mar walba lasoo darsa xooggii uu dalkan ku tiirsanaa.

Waxaa Xisbiga Xuriyadda uu soo jeedinayaa in la saxo khaladaadka ka jira siyaabaha loo qoro shaqaalaha dowladda oo aan waafaqsaneyn hannaanka shaqo qorista caalamka, iyadoo lagu qoro Shaqaalaha dowladda hab musuq maasuq ah oo la xiriirto nin jeclaysi iyo kooxeysi taasoo ah arrin niyad jab ku beereysaysa Shaqaalaha soomaaliyeed islamarkaana iska horkeeneysa umadda soomaaliyeed ee duruufaha adag ee colaadaha iyo abaaruhu ay saameeyeen.

Hay’adaha caalamiga ee dalka ka howlgala waxaan usoo jeedinaynaa inay u hoggaansamaan hannaanka shaqo qorista caalamiga oo ay iska daayaan inay shaqaaleeyaan dad ajanabi ah inta uu jiro qof soomaaliyeed oo qaban kara shaqada ay bixinayaan, waana inay xoogga saaraan shaqo siinta dadka soomaaliyeed ee gudaha wadanka ku nool si faqriga iyo shaqo la’aanta wax looga qabto.

Ugu dambeyn Xisbiga Xuriyadda wuxuu umadda soomaaliyeed ugu baaqayaa in ay dalkooda maalgashadaan lana hormariyo waxsoosaarka dalka si shaqo abuur badan loo helo loogana baxo gaajada iyo faqriga haysta in badan oo ka mid ah dadka soomaaliyeed. Guul waxaynu ku gaari karnaa inaga oo muruqeena maalno.

Wabilaahi Towfiiq

Xisbiga Xuriyadda ( THE PEOPLE OF FREEDOM )

Awgeed hambalyo u diray shaqaalo weynaha Soomaaliyeed

imageXIBIGA XURIYADDA –  ayaa shaqaale weynaha Soomaaliyeed ugu hambalyeeyay xuska maalinta shaqaalaha aduunka oo ku asteysan maanta oo taariikhdu tahay 1-da bisha May.
Xisbiga Xuriyadda ayaa shaqaalaha Soomaaliyeed u rajeeyay  baraare, wuxuuna tilmaamay in shaqaalaha Soomaaliyeed uu sharcigu u ogolyahay iney si nidaamsan isu abaabuli karaan.

Sidoo kale Xisbiga Xuriyadda ayaa xusay in shaqaaluhu ay cod dheer ku leeyihiin Dimuquraadiyeenta dalka, isagoo tibaaxay iney yihiin laf dhabarka dhaqaalaha Soomaaliyeed.

Qaban-qaabada munaasabado lagu weyneynayo maalinta shaqaale weynaha Soomaaliyeed ayaa ka socota gobollada dalka iyo caasimadda dalka ee Muqdisho.

Wasaaradda shaqada iyo shaqaalaha dowlada Somalia ayaa sheegtay in maalinta shaqaalaha adduunka oo ku asteysan maanta darteed ay fasax yihiin shaqaalaha dowlada laba maalmood oo ka bilaabaneysa maanta.

Xisbiga Xuriyadda

Temporal Inefficacy Due to Pastoral Democracy

imageTemporal Inefficacy Due to Pastoral Democracy

A Closer Examination at the Hiiraan-Middle Shabelle Project Stalemate

Xisbiga Xuriyadda – April 12, 2016 – As one of the major milestones to be achieved before 2016 elections, the Federal Government of Somalia (FGS) is racing against time to complete the formation of federal member states (FMS). This milestone, initially set to be concluded by 2015, a year the government named to be that of state formations, is already in arrears. With only three months to scheduled presidential and parliamentary selections, the last FMS in the row, that which is to unite Hiiraan and Middle Shabelle regions, is proving difficult to be constituted due to unbending and prolonged impasse between the FGS and traditional leaders of the regions. Frequent visits to Beledweyne, the capital of Hiiraan, by top government leadership, including the President, Prime Minister, cabinet ministers and parliament members did not alter the stalemate thus far. The government is indicating confidence that a deal will eventually be finalized with elders, however. But even if the elders are convinced to participate the state formation convention in Jowhar, the profound intricacy of the contentious issues at hand indicate that the conception of a member state with any reasonable legitimacy is too far from materialization. Continue reading